കഴിഞ്ഞ ദിവസമാണ് ക്ലാഷ് ഓഫ് ദി ടൈറ്റാന്‍സ് കണ്ടത്. നല്ല ഗ്രാഫിക്സും ആനിമേഷേന്‍ ഉള്ള പടം ആയതുകൊണ്ട് കണ്ടിരുന്നു പോയി. ഏകദേശം പതിനഞ്ചു മിനിട്ട് കഴിഞ്ഞപ്പോഴാണ് ഇത് പണ്ട് വായിച്ച ഒരു കഥയാണല്ലോ എന്നോര്‍ത്തത്. എന്‍റെ ഒരു അധ്യാപകന്‍ ആയിരുന്ന ശ്രീ സിപ്പി മാഷ് (പ്രശസ്ത ബാല സാഹിത്യകാരന്‍ സിപ്പി പള്ളിപ്പുറം), ഏകദേശം 1980 കാലഘട്ടത്തില്‍ അന്നത്തെ കുട്ടികളുടെ ഏക വാര്‍ഷിക പ്പതിപ്പായിരുന്ന കേരള ടൈംസ്‌ല്‍ എഴുതിയ ഒരു ഗ്രീക്ക് കഥ - അതിന്‍റെ ചലച്ചിത്ര ആവിഷ്കാരം പോലെയാണ് തോന്നിയത്. കാരണം സിപ്പി മാഷ് അത്രയ്ക്ക് രസകരം ആയിട്ടാണ് എഴുതിയിരുന്നത് - അത് കൊണ്ട് തന്നെ ഇപ്പോഴും ആ കഥയും ഓരോ കഥാപാത്രവും മനസ്സില്‍ നില നില്‍ക്കുന്നു.
സിനിമയിലെ ഓരോ രംഗവും കാണുമ്പോള്‍ സിപ്പി മാഷ് എഴുതിയ ഓരോ വരിയും മനസ്സിലേക്ക് വന്നു കൊണ്ടിരുന്നു - ഒറ്റക്കണ്ണന്‍ മാരുമായി പെഴ്സ്യുസ് ഏറ്റുമുട്ടുമ്പോഴും, മെഡസ്സയുടെ തല തന്‍റെ പരിചയില്‍ നോക്കി വെട്ടിയെടുക്കുമ്പോഴും എല്ലാം.
ഏതായാലും പടം തീര്‍ന്നപ്പോഴേക്കും പണ്ട് വായിച്ച യവന കഥ മുഴുവന്‍ മുന്‍പില്‍ കണ്ട പ്രതീതി തന്നെ.
(ഒന്നും എഴുതാനില്ല, എന്നാല്‍ പിന്നെ എന്തെങ്കിലും എഴുതാം എന്ന് വിചാരിച്ചു എഴുതിയതാണ്).
.
No comments:
Post a Comment