ഇതും പണ്ട് നടന്ന ഒരു സംഭവമാണ്. ഏതാണ്ട് 1930-40 കാലഘട്ടത്തില്. അതായത് വരാപ്പുഴ മെത്രാന് ആയി വന്ദ്യ ഏന്ജല് മേരി തിരുമേനി ഇരിക്കുന്ന കാലം. ഇന്നത്തെ പോലെ യാത്ര സൌകര്യങ്ങള് ഒന്നും ഇല്ല. കൂടുതലും ജല മാര്ഗ്ഗങ്ങള് ആണ് ഉപയോഗിച്ചിരുന്നത്. സ്പെയിന്കാരനായ അദ്ദേഹം മലയാളം കുറച്ചു സംസാരിക്കുമായിരുന്നു. അദ്ദേഹത്തിന്റെ പ്രധാന പരിപാടി ഇടവകകള് സന്ദര്ശിക്കുകയായിരുന്നു. രൂപതയിലെ ഒട്ടു മിക്ക ഇടവകകളും അദ്ദേഹം സന്ദര്ശിച്ചിരുന്നു. സന്ദര്ശിക്കുക എന്ന് പറഞ്ഞാല് വെറുതെ ഒരു സന്ദര്ശനമല്ല - ഒന്ന് രണ്ട് ദിവസം അവിടെ താമസിക്കുകയും എല്ലാ ജനങ്ങളുമായി സമ്പര്ക്കം പുലര്ത്തുകയും ചെയ്യുമായിരുന്നു. അതില് ഒരു ദിവസം ഇടവകയിലെ എല്ലാ ജനങ്ങള്ക്കും കൂടി വിശ്വാസ സംബന്ധമായ ചോദ്യോത്തരി നടത്തുകയും സമ്മാനങ്ങള് വിതരണം ചെയ്യുകയും ചെയ്തിരുന്നു. പ്രധാനമായും അഞ്ചു ചോദ്യങ്ങള് അദ്ദേഹം ചോദിച്ചിരുന്നു. അതില് സ്ഥിരമായി ചോദിച്ചിരുന്ന ഒരു ചോദ്യം ഇതായിരുന്നു - എന്താണ് ശുദ്ധീകരണ സ്ഥലം? എല്ലാവരും ശരിയുത്തരം പറഞ്ഞാല് അവിടത്തെ വികരിയച്ചനും പ്രത്യേക സമ്മാനം അദ്ദേഹം നല്കുമായിരുന്നു. അതിനാല് തന്നെ ഓരോ ഇടവകയിലെയും വികരിയച്ചന്മാര് തങ്ങളുടെ ഇടവകക്കരെക്കൊണ്ട് മുഴുവന് ചോദ്യത്തിനും ഉത്തരം പറയുവാന് പ്രോത്സാഹിപ്പിക്കുമായിരുന്നു.
ഒരു ദിവസം പള്ളിപ്പുറം ഇടവകയിലേക്ക് അദ്ദേഹം സന്ദര്ശനം നടത്തുമെന്ന് അറിയിച്ചു. ഇത് കേട്ടയുടനെ വികരിയച്ചനുണ്ടായ വികാരം മനസ്സിലാക്കാമല്ലോ. അദ്ദേഹം ഉടനെ കൈക്കാരന്മാരെയും ഇടവകയിലെ മതബോധന അധ്യാപകരെയും പ്രധാന ആളുകളെയും വിളിച്ചു കൂട്ടി ഒരു സമിതി ഉണ്ടാക്കി. മെത്രാന്റെ ചോദ്യങ്ങള്ക്ക് എല്ലാ ഇടവകക്കാരെക്കൊണ്ടും ശരിയുത്തരം പറയിപ്പിക്കണം എന്ന് പറഞ്ഞു. എല്ലാവരും അതിനായി പ്രയത്നിക്കാന് തീരുമാനിച്ചു.
അങ്ങിനെ മെത്രാന് തിരുമേനി സ്ഥിരമായി ചോദിക്കുന്ന അഞ്ചു ചോദ്യങ്ങള് അദ്ദേഹം മുന്പ് സന്ദര്ശിച്ച ഇടവകകളില് നിന്നും ഇടവക സമിതി കണ്ടെത്തുകയും അതെല്ലാം ഇടവകയിലെ എല്ലാവരെയും കാണാപാഠം പഠിപ്പിക്കുകയും ചെയ്തു.
അങ്ങിനെ ആ ദിവസം വന്നു ചേര്ന്നു. മെത്രാന് അന്നത്തെ ഏറ്റവും നല്ല യാത്രാ ബോട്ട് ആയ പടമാടന് ബോട്ടില് പള്ളിയില് എത്തി ചേര്ന്നു. വന് വാദ്യഘോഷങ്ങളോടെ ഇടവകക്കാര് അദ്ദേഹത്തെ വരവേറ്റു. ആദ്യ ദിവസം കുര്ബ്ബാനയും മറ്റുമായി തീര്ന്നു. പിറ്റേ ദിവസം ഇടവകക്കരുമായി സംസാരിക്കുന്ന ദിവസം - നിരവധി കാര്യങ്ങള് ചര്ച്ച ചെയ്തു. അവസാനം ചോദ്യോത്തരി തുടങ്ങി. അങ്ങിനെ നാലു ചോദ്യങ്ങള് ചോദിച്ചു തീര്ന്നു. അവസാനത്തെ ചോദ്യം - മെത്രാന്റെ സ്ഥിരം ചോദ്യം - ശുദ്ധീകരണ സ്ഥലം - അതിനായി എല്ലാവരും റെഡി ആയി. മെത്രാന് നാലാം ക്ലാസ്സുകാരന് വര്ഗീസിനെ ചൂണ്ടി. വര്ഗീസിനോട് അടുത്തിരുന്നവര് എല്ലാവരും മന്ത്രിച്ചു - എടാ ശുദ്ധീകരണ സ്ഥലം എന്താണെന്നു ഓര്ത്തു നോക്ക്. വര്ഗീസ് എഴുന്നേറ്റു നിന്നു.
പക്ഷെ പതിവിനു വിപരീതമായി മെത്രാന് വേറൊരു ചോദ്യമാണ് വര്ഗീസിനോട് ചോദിച്ചത് - വിവാഹം എന്നാല് എന്ത്?
പക്ഷെ ടെന്ഷന് കൊണ്ടോ അതോ കാണാ പാഠം പഠിച്ചത് കൊണ്ടോ, വര്ഗീസ് ഉച്ചത്തില് വിളിച്ചു പറഞ്ഞു;
സ്വര്ഗത്തില് പോകുന്നതിനു മുന്പ്, കഴിഞ്ഞ കാല ജീവിതത്തില് ചെയ്തു പോയ പാപങ്ങള്ക്ക് പരിഹാരം ചെയ്യുന്ന സ്ഥലം.
എല്ലാവരും അന്തം വിട്ടു ഇരുന്നു പോയി.
.
ഹാ ഹാ ജോര്
ReplyDeletehahaha
ReplyDelete