1996 ലെ ബൈബിള് കലോത്സവം കോട്ടപ്പുറത്ത് വെച്ച് നടക്കുന്നു. ഞാനായിരുന്നു ടീം മാനേജര്. പള്ളിപ്പുറത്തെ കൊച്ചു ബുദ്ധി ജീവികളുടെ കഴിവ് കൊണ്ട് ലേഖന മത്സരങ്ങളില് പോയിന്റ് നിലയില് ഏറ്റവും മുന്നിലെത്തി. പക്ഷെ ഗ്രൂപ്പ് ഇന മത്സരങ്ങള്ക് ആളില്ല. തല്ലിക്കൂട്ടി ഗ്രൂപ്പ് ഇനങ്ങളും ഒരു നാടകവും തയ്യാറാക്കി. കാരണം ഗ്രൂപ്പിന് സമ്മാനം ലഭിച്ചാല് പോയിന്റ് കുടുതല് ലഭിക്കും. രണ്ടു ദിവസം കൊണ്ട് രൂപപ്പെടുതിയതുകൊണ്ട് പലരും ഡയലോഗ് കാണാപ്പാഠം ആക്കിയിട്ടുണ്ടയിരുന്നില്ല. ജോസ് പുളിക്കന് സംവിധാനം ചെയ്ത സാവുളിന്റെ മാനസാന്തരം ആയിരുന്നു കഥ. പുരാതന കഥ ആയതു കൊണ്ടും ബൈബിള് കഥ ആയതുകൊണ്ടും ഡയലോഗുകള് നല്ല നാടക സ്റ്റൈലില് ജോസ് ഒരുക്കിയിരുന്നു.
അതില് സാവുളിന്റെ കാഴ്ച പോയതിനു ശേഷം അനനിയസിന്റെ അടുത്ത് കൊണ്ട് ചെല്ലുന്ന ഒരു രംഗം ഉണ്ട്. അനനിയസായി അഭിനയിക്കുന്ന ബാബു വിന്റെ ഡയലോഗ് ഇങ്ങിനെ ആയിരുന്നു.
സാവൂല്, അങ്ങ് എപ്പോള് ഇവിടെയെത്തി?
പക്ഷെ, സ്റ്റേജില് എത്തിയപ്പോള് ഓരോരുത്തരും യഥാര്ത്ഥ ഡയലോഗ് മറന്നു തുടങ്ങിയിരുന്നു. താന്താങ്ങളുടെ ഡയലോഗുകള് ഓരോരുത്തരും ഉപയോഗിച്ച് തുടങ്ങി. സാവൂല് ആയ രുബന് തന്റെ സ്വതസിദ്ധമായ ശൈലിയില് നല്ല അഭിനയം കാഴ്ചവെച്ചു . സാവൂളിന്റെ കാഴ്ച പോയ ശേഷം അനനിയസിന്റെ അടുത്ത് കൊണ്ടുവന്നു. ബാബു ഡയലോഗ് മറന്നു പോയി. സ്റെജിനു പിന്നിലിരുന്നു ജോസ് പറഞ്ഞു, എപ്പോള് എത്തിയെന്ന് ചോദിക്ക്.
ഉടന് ബാബു തന്റെ തനി നാടന് ഭാഷയില് ചോദിച്ചു.
സാവൂല്, എപ്പെത്തി?
എന്തൊക്കെയായാലും തുടര്ച്ചയായി അഞ്ചു വര്ഷം കിട്ടിയ കിരീടം ആ വര്ഷവും പള്ളിപ്പുരത്തിന് തന്നെ ലഭിച്ചു - അവസാനമായി.
.
No comments:
Post a Comment