കഥാപാത്രം നേരത്തെയുള്ള ബ്ലോഗിലെ ശ്രീമാന്‍ എസ് തന്നെ. (തോമസ്‌ ചേട്ടന്‍റെ അപ്പന്‍റെ ഫോട്ടോയിലെ.) അതിനാല്‍ത്തന്നെ ഇംഗ്ലീഷ് അറിയില്ലല്ലോ. ഒരു ബിസിനസ് കാര്യം ഒരാളുമായി സംസാരിക്കുകയായിരുന്നു നമ്മുടെ കഥാപാത്രം. നമ്മുടെ കഥാപാത്രം ഒരു ഷോപ്പ് തുടങ്ങുവാന്‍ പോകുന്ന സ്ഥലത്തുള്ള ഷോപ്പിന്‍റെ ഉടമ ആയിരുന്നു രണ്ടാമന്‍. പറഞ്ഞു പറഞ്ഞു രണ്ടു പേരും ഒരു തല്ലു പിടുത്തത്തിന്റെ അരികിലെത്തി.
രണ്ടാമന്‍: "നിങ്ങള്‍ കട തുടങ്ങിക്കൊള്ളൂ, പക്ഷെ എന്‍റെ കച്ചവടം തന്നെ ചെയ്യരുത്‌."
എസ്: "അതെന്താ, എന്‍റെ കാശു കൊണ്ട് ഞാന്‍ തുടങ്ങുന്ന കടയില്‍ എന്ത് കച്ചവടം ചെയ്യണമെന്നു താന്‍ പറയണോ?"
രണ്ടാമന്‍: "ഇത് ഞാന്‍ വിട്ടു തരില്ല, ഇതെന്‍റെ പ്രെസ്ടീജിന്റെ പ്രശ്നമാണ്."
അല്പം ആലോചിച്ച ശേഷം, എസ് പറഞ്ഞു;
"ഇതെന്‍റെ ബിജോയ്സിന്റെയും പ്രശ്നമാണ്. ഞാനും വിട്ടു തരില്ല."
രണ്ടാമന്‍ ഇറങ്ങിപ്പോയി.
ഇതുകേട്ട സില്‍ബന്തി പോള്‍ ചോദിച്ചു; "അതെന്താ അങ്ങിനെ പറഞ്ഞത്? " ഉടനെ എസ്; "അതു പിന്നെ അവന്‍ പ്രെസ്ടീജ് മാത്രമേ കുടിക്കു, അതാണ് അവന്‍ അവന്‍റെ പ്രസ്ടീജിന്റെ പ്രശ്നമാണെന്ന് പറഞ്ഞത്. നമ്മള്‍ അത്ര കുറഞ്ഞവരല്ല, ബിജോയ്സും
അടിക്കുന്നുണ്ടെന്നു അവനറിയട്ടെ."പോള്‍ വായും പൊളിച്ചു ഇരുന്നു പോയി.
.
No comments:
Post a Comment