തോമസ്‌ ചേട്ടന്‍ എന്നും വെള്ളമടിയാണ്. ആരു പറഞ്ഞാലും കേള്‍ക്കില്ല. ആ സമയത്താണ് ഇടവകയില്‍ മിഷന്‍ ധ്യാനം നടന്നത്. ത്രെസിയമ്മ ചേടത്തി ധ്യാന ഗുരുവിനെ ക്കണ്ട് കരഞ്ഞു പറഞ്ഞു; " അച്ചോ, എങ്ങിനെയെങ്കിലും അങ്ങേരുടെ വെള്ളമടി നിര്‍ത്തി തരണം. ഏതോ ചെകുത്താനാണ്‌ അങ്ങേരുടെ ഉള്ളില്‍. പക്ഷെ, അച്ചന്‍ പറഞ്ഞാല്‍ കേള്‍ക്കും".
അച്ചന്‍ പിറ്റെന്നാള്‍ തോമസ്‌ ചേട്ടനെ കാണുവാന്‍ ചെന്നു. സംസാരത്തിനിടയില്‍ അച്ചന്‍ മദ്യപാനത്തിന്റെ ദോശവശങ്ങളെക്കുറിച്ച് തോമസ്‌ ചേട്ടനോട് പറഞ്ഞു. മദ്യം കഴിക്കരുതെന്നും അത് പാപമാണെന്നും അച്ചന്‍ പറഞ്ഞു.
"അച്ചോ", തോമസ്‌ ചേട്ടന്‍ പറഞ്ഞു, "മദ്യം കഴിക്കുന്നത്‌ പാപം ആണെങ്കില്‍ യേശു ക്രിസ്തുവാണ്‌ അത് തുടങ്ങി വെച്ചത്. കാനയിലെ കല്യാണത്തിന് യേശു വെറും പച്ച വെള്ളത്തെ വീര്യം കുറഞ്ഞ മദ്യം ആക്കുകയല്ലേ ചെയ്തത്? അതല്ലേ അന്നാ കല്യാണത്തിന് വിളമ്പിയത്? യേശു വീഞ്ഞ് ഉണ്ടാക്കുക മാത്രമല്ല അത് അവിടെ എല്ലാവര്‍ക്കും കൊടുക്കുകാന്‍ പറയുകയും ചെയ്തല്ലോ?". തോമസ്‌ ചേട്ടന്‍ തുടര്‍ന്നു, "മാത്രമല്ല, അല്പം വീഞ്ഞ് ബോധത്തിനെ തെളിയിക്കും എന്നാണ് ബൈബിളില്‍ സോളമന്‍ രാജാവ്‌ പോലും പറഞ്ഞിരിക്കുന്നത് അച്ചോ".
പുറത്തിറങ്ങിയ അച്ചന്‍ ത്രേസിയമ്മ ചേടത്തിയോടു പറഞ്ഞു, "ചേട്ടത്തി, യേശു നാല്‍പതു നാള്‍ മരുഭുമിയില്‍ പ്രാര്‍ത്ഥിച്ചു കൊണ്ടിരുന്നപ്പോള്‍ പ്രത്യക്ഷപ്പെട്ട ചെകുത്താന്‍ ആണെന്ന് തോന്നുന്നു ഇങ്ങേരില്‍ കയറിയിരിക്കുന്നത്. വായില്‍ നിന്നും ദൈവ വചനം മാത്രമേ വരുന്നുള്ളൂ."
.
entammeeeee...thomas chettane aranavo bible padipichathu
ReplyDelete